Ur geriadur brezhoneg digoust enlinenn

     Goude bezañ embannet kentañ geriadur hollvrezhoneg e 1995 en ti-embann An Here hag ar geriadur galleg-brezhoneg e ti Palantines e 2012, geriadurioù kevadegel anezhe da lavarout eo eus an amzer a-vremañ, en devoa staget Martial Menard gant ur geriadur treadegel : Devri da anv. Seizh ha tregont bloaz a labour renabliñ, urzhiañ, kempouezañ, o vont gant an hent boulc'het gant Roparz Hemon en e C'heriadur Istorel ar Brezhoneg. Al Labour ramzel-mañ o renabliñ ouzhpenn 60 000 ger eus an 11vet kanved betek an deiz-a-hirie a zo bremañ enlinenn. Savet diwar e vizoù, emren ha dizalc'h evel ma blije dezhañ e meur a geñver, e kinnig Martial Ménard deomp ha d'ar re a zeuio war hol lec'h ul load aes da implijout, eeun ha c'hwelaozek. Awalc'h eo dibab al lizherenn gentañ ar ger e vezer o klask hag en em gaver fonnus gant ar fichenn gouestlet. El lizherenn B e kavomp ar ger Bro, un fichenn gant 20 daveenn, eus 1499 er C'hatolicon betek rollenn "Kannad ar Galon Sakr (1951) en ur dremen dre vMister Santez Barba (1557) Buhezioù ar Sent Morvan pe bPerrot, geriadur E. Ernault... ha me oar... da bep hini da embann ar bajennad hervez e c'hoant...

        Ur rann all eus al load a denn d'ur geriadur krenn-vrezhoneg (1100-1650) (enklask e brezhoneg) gouestlet kentoc'h d'an enklaskerien ha d'ar studierien... A drugarez da labour ur vuhez, Martial Menard a ginnig deomp ur benveg arnevez, ur geriadur a vo implijet e pad pell amzer c'hoazh... e lignez a-berzh c'heriaouegerien-meur hor bro : Gregor Rostren, Ar Gonideg, Fransez Vallee ha Roparz Hemon. Aet d'an anaon, anv Martial Menard a zo a-viskoazh kenstag ouzh Enor Hor Bro.

  

 Martial Ménard photo Maryvonne Cadiou ABP

 Partial Ménard

(photo Maryvonne Cadiou ABP)

 

Françoise le Barazer



Abonnez vous pour recevoir les 6 prochains Numéros de l'Avenir de la Bretagne et soutenir la revue

Suivez nous sur Facebook

Retrouvez nous sur facebookSuivez-Nous sur la page Facebook de l'Avenir de la Bretagne et invitez vos amis.

Cliquez ici

Partagez cette page

Partagez cette page par mail ou sur les sur les réseaux sociaux et faites découvrir l'Avenir de la Bretagne

L'Avenir de la Bretagne

Breizh da Zont - L'Avenir de la Bretagne
Evit Breizh dizalc’h en Europa ar pobloù
Pour une Bretagne libre dans l’Europe des peuples.

 

Revue bimestrielle

  

Abonnez-vous - Contactez-Nous

 
- Mentions Légales - Flux RSS - Site web réalisé par PDS